கோல் மழை

ஹாக்கியில் இந்தியா, ஜப்பான், அமெரிக்கா மட்டுமே பங்கேற்றன. முதல் போட்டியில் இந்திய அணி, ஜப்பானை 11--1 என்ற கோல் கணக்கில் வென்றது. அடுத்து அமெரிக்காவை 24--1 என வீழ்த்தி சாதனை படைத்தது. இதில் தயான் சந்த் 8, அவரது சகோதரர் ரூப் சிங் 10 கோல் அடித்தனர். இத்தொடரில் இந்தியா அடித்த 35 கோல்களில் தயான் சந்த், ரூப் சிங் சகோதரர்கள் மட்டும் 25 கோல்கள் அடித்தனர். இவர்களது அசத்தல் ஆட்டம் கைகொடுக்க, இந்தியா மீண்டும் தங்கம் வென்றது.

சொந்த மண்ணில் ஆதிக்கம் செலுத்திய அமெரிக்கா 44 தங்கம், 36 வெள்ளி, 30 வெண்கலம் என 110 பதக்கங்கள் கைப்பற்றி முதலிடத்தை தட்டிச் சென்றது. அடுத்த இரு இடங்களை இத்தாலி (12 தங்கம், 12 வெள்ளி, 12 வெண்கலம்), பிரான்ஸ் (11 தங்கம், 5 வெள்ளி, 4 வெண்கலம்) கைப்பற்றின. இப்பட்டியலில் இந்தியாவுக்கு (ஒரு தங்கம்) 19வது இடம் கிடைத்தது.