ADDED : மே 25, 2024 11:09 PM

இந்திய 'பாரா' தடகள வீரர் மாரியப்பன் தங்கவேலு 28. ஐந்து வயதில் பஸ் விபத்தில் சிக்கினார். வலது முழுங்கால் பாதிக்கப்பட்டது.
பள்ளியில் வாலிபால் விளையாடினார். பின், உடற்கல்வி ஆசிரியரின் ஆலோசனைப்படி உயரம் தாண்டுதல் போட்டியில் பங்கேற்றார். தனது 14வது வயதில் முதன்முறையாக உயரம் தாண்டுதல் போட்டியில் விளையாடிய இவர் 2வது இடம் பிடித்தார். இந்திய தேசிய 'பாரா' தடகள சாம்பியன்ஷிப் போட்டியில் (2015) மாரியப்பனின் திறமையை பார்த்த, தற்போதைய பயிற்சியாளர் சத்யநாராயணா, பெங்களூருக்கு அழைத்துச் சென்று பயிற்சி வழங்கினார்.
துனிசியாவில் நடந்த 'பாரா' கிராண்ட் பிரிக்ஸ் தடகளத்தில் சிறப்பாக செயல்பட்ட (1.78 மீ.,) மாரியப்பன், ரியோ பாராலிம்பிக் போட்டிக்கு தகுதி பெற்றார். இதில் தங்கம் வென்று சாதித்தார். இதன்மூலம் 2004க்கு பின் பாராலிம்பிக்கில் தங்கம் வென்ற முதல் இந்தியரானார். பாரிஸ் பாராலிம்பிக்கில் பதக்கம் வெல்வார் என நம்பலாம்.
'பயோ-டேட்டா'
பெயர்: மாரியப்பன் தங்கவேலு
பிறந்த நாள்: 28.6.1995
பிறந்த இடம்: பெரியவடக்கம்பட்டி, சேலம்
விளையாட்டு: பாரா தடகளம் - உயரம் தாண்டுதல் ('டி42', 'டி63')
வென்ற பதக்கம்
பாராலிம்பிக்: 2016ல் தங்கம், 2020ல் வெள்ளி
உலக சாம்பியன்ஷிப்: 2024ல் தங்கம்
ஆசிய பாரா விளையாட்டு: 2022ல் வெள்ளி
விருது
பத்ம ஸ்ரீ: 2017
அர்ஜுனா: 2017
கேல் ரத்னா: 2020
