ஜோர்டானில், உலக ஜூனியர் (17 வயது) மல்யுத்த சாம்பியன்ஷிப் தொடர் நடக்கிறது. பெண்களுக்கான 43 கிலோ பிரிவு பைனலில் இந்தியாவின் ஆதித்தி குமாரி, கிரீசின் மரியா லுாயிசா ஜிகிகா மோதினர். அபாரமாக ஆடிய ஆதித்தி 7-0 என்ற கணக்கில் வெற்றி பெற்று தங்கப்பதக்கத்தை தட்டிச் சென்றார்.

பெண்களுக்கான 57 கிலோ பைனலில் இந்தியாவின் நேஹா, ஜப்பானின் சோ சுட்சுயியை வீழ்த்தி தங்கம் வென்றார். பெண்களுக்கான 65 கிலோ பைனலில் இந்தியாவின் புல்கிட் 6-3 என, டாரியா புரோலோவாவை வீழ்த்தி தங்கப்பதக்கத்தை கைப்பற்றினார். பெண்களுக்கான 73 கிலோ பிரிவில் இந்தியாவின் மான்சி 5-0 என ஜோர்டானின் ஹன்னா பிர்ஸ்கயாவை தோற்கடித்து சாம்பியன் ஆனார்.

'கிரிகோ-ரோமன்' எடைப்பிரிவில் இந்தியாவின் ரோனக் தாஹியா (110 கிலோ), சைனத் பார்த்தி (51 கிலோ) வெண்கலம் வென்றனர்.