பெண்களுக்கான ஈட்டி எறிதலில் அசத்திய இந்தியாவின் அன்னு ராணி, தனது 4வது வாய்ப்பில் அதிகபட்சமாக 62.01 மீ., எறிந்து முதலிடம் பிடித்தார். அடுத்த இரு இடங்களை இலங்கையின் தில்ஹானி (56.27 மீ.,), இந்தியாவின் தீபிகா (54.20 மீ.,) கைப்பற்றினர்.

ரோகித் ஏமாற்றம்: ஆண்களுக்கான ஈட்டி எறிதலில் இந்தியாவின் ஷிவம் (80.73 மீ.,) 2வது இடம் பிடித்தார். இந்தியாவின் ரோகித் யாதவ் (80.35 மீ.,), சச்சின் யாதவ் (79.80 மீ.,), யாஷ்விர் சிங் (78.53 மீ.,) முறையே 4, 5, 6வது இடம் பிடித்து ஏமாற்றினர்.

ஸ்ரீசங்கர் முதலிடம்: ஆண்களுக்கான நீளம் தாண்டுதலில் அதிகபட்சமாக 8.13 மீ., தாண்டிய இந்தியாவின் முரளி ஸ்ரீசங்கர் முதலிடத்தை கைப்பற்றினார். அடுத்து இரு இடங்களை ஷாநவாஸ் கான் (8.04 மீ.,), லோகேஷ் சத்யநாதன் (7.85 மீ.,) பிடித்தனர்.

ஆண்களுக்கான 200 மீ., ஓட்டத்தின் பைனலில் இலக்கை 20.77 வினாடியில் கடந்த இந்தியாவின் அனிமேஷ் முதலிடம் பிடித்தார். தமிழகத்தின் ராகுல் குமார் (21.17) 3வது இடத்தை கைப்பற்றினார்.

அப்துல்லா அசத்தல்: ஆண்களுக்கான 'டிரிபிள் ஜம்ப்' போட்டியில் முதல் மூன்று இடங்களை இந்தியாவின் அப்துல்லா அபூபக்கர் (16.53 மீ.,), கார்த்திக் உன்னிகிருஷ்ணன் (16.42), கெய்லி வெனிஸ்டர் (16.26 மீ., தமிழகம்) கைப்பற்றினர்.

பெண்களுக்கான நீளம் தாண்டுதலில் இந்தியாவின் ஷைலி சிங் (6.28 மீ.,), பவானி யாதவ் பாகவ் (6.13), சாண்ட்ரா (6.10) அசத்தினர்.

400 மீ., ஓட்டம்: ஆண்களுக்கான 400 மீ., ஓட்டத்தின் பைனலில், இந்தியாவின் விஷால் (45.72 வினாடி), அமோஜ் ஜேக்கப் (45.86), சந்தோஷ் குமார் (46.89 வினாடி, தமிழகம்) முதல் மூன்று இடம் பிடித்தனர்.

பெண்களுக்கான 400 மீ., ஓட்டத்தின் பைனலில் இந்தியாவின் விஜயகுமாரி (53.40 வினாடி), தேவ்யநிபா (53.87) முதலிரண்டு இடத்தை தட்டிச் சென்றனர். தமிழகத்தின் வித்யா ராம்ராஜ், தகுதி நீக்கம் செய்யப்பட்டார்.

100 மீ., ஓட்டம்: பெண்களுக்கான 100 மீ., ஓட்டத்தின் பைனலில் இந்தியாவின் அபினயா (11.57 வினாடி), ஸ்னேகா (11.70), நித்யா காதே (11.70) முதல் மூன்று இடம் பிடித்தனர்.

ஆண்களுக்கான 100 மீ., ஓட்டத்தின் பைனலில் மலேசியாவின் முகமது அசீம் (10.35 வினாடி) முதலிடம் பெற்றார். இந்தியாவின் லாலு பிரசாத் போய் (10.54 வினாடி), ராகுல் குமார் (10.59, தமிழகம்) முறையே 4, 6வது இடம் பிடித்தனர்.

800 மீ., ஓட்டம்: ஆண்களுக்கான 800 மீ., ஓட்டத்தின் பைனலில் இந்தியாவின் முகமது அப்சல் (1:46.60) முதலிடத்தை கைப்பற்றினார். பெண்களுக்கான 800 மீ., ஓட்டத்தில் இந்தியாவின் அமன்தீப் கவுர் (2:04.31) முதலிடத்தை தட்டிச் சென்றார்.

தடை ஓட்டம்: பெண்களுக்கான 100 மீ., தடை தாண்டும் ஓட்டத்தில் தமிழகத்தின் நந்தினி கொங்கன் (13.80 வினாடி) 2வது இடம் பிடித்தார். ஒடிசா வீராங்கனை பிரக்யான் பிரசாந்தி சாஹ் (13.74) முதலிடத்தை கைப்பற்றினார்.

பெண்களுக்கான 1500 மீ., ஓட்டத்தின் பைனலில் இந்தியாவின் பூஜா (4:15.13), லில்லி தாஸ் (4:17.66), அமன்தீப் கவுர் (4:27.14) முதல் மூன்று இடம் பிடித்தனர்.