வங்கதேசத்தின் தாகாவில் ஆசிய வில்வித்தை சாம்பியன்ஷிப் நடக்கிறது. ஆண்கள் அணிகளுக்கான 'ரீகர்வ்' பிரிவில் இந்தியா சார்பில் அடானு தாஸ், ராகுல், யாஷ்தீப் சஞ்சய் இடம் பெற்ற அணி பங்கேற்கிறது. காலிறுதியில் மலேசியாவை 6-0 என வென்றது. அடுத்து நடந்த அரையிறுதியில் இந்திய அணி, இல்பாத், தஸ்டன், அலெக்சாண்டர் அடங்கிய கஜகஸ்தான் அணியை எதிர்கொண்டது.

துவக்கத்தில் இருந்து சிறப்பாக செயல்பட்ட இந்திய அணி, முடிவில் 5-3 என்ற கணக்கில் வெற்றி பெற்று, பைனலுக்குள் நுழைந்தது. இதில் தென் கொரியாவை (நவ. 14) சந்திக்க உள்ளது.

பெண்களுக்கான காம்பவுண்டு அணிகள் பிரிவில் இந்தியாவின் தீபிக் ஷா, ஜோதி, பிரித்திகா அடங்கிய அணி பங்கேற்றது. காலிறுதியில் 235-225 என வியட்நாம் (கிம் ஆன், நிகுயேன், பம் வான்) அணியை வென்றது. அடுத்து நடந்த அரையிறுதியில் இந்தியா, வங்கதேசம் (போன்னா, குல்சும், புஸ்பிதா) மோதின. இதில் இந்திய அணி 234-227 என வென்று, பைனலுக்கு (நவ. 13) முன்னேறியது. இதில் தென் கொரியாவுடம் மோத உள்ளது.