ஓமனில், ஜூனியர் ஆசிய கோப்பை ஹாக்கி (21 வயதுக்குட்பட்ட) தொடரின் 10 வது சீசன் நடக்கிறது. நடப்பு சாம்பியன் இந்தியா, ஜப்பான், தென் கொரியா உட்பட 10 அணிகள் மோதுகின்றன. இவை இரு பிரிவுகளாக பிரிக்கப்பட்டு, லீக் முறையில் போட்டி நடக்கின்றன. ஒவ்வொரு பிரிவிலும் முதல் இரு இடம் பெறும் அணிகள் அரையிறுதிக்கு முன்னேறும்.

'ஏ' பிரிவில் இடம் பெற்ற இந்திய அணி நேற்று தனது முதல் போட்டியில் தாய்லாந்தை சந்தித்தது. துவக்கத்தில் இருந்தே ஆதிக்கம் செலுத்திய இந்திய வீரர்கள் கோல் மழை பொழிந்தனர். அராய்ஜீத் (2, 24வது நிமிடம்), குர்ஜோத் (18, 45), சவுரப் (19, 52) தலா இரண்டு கோல் அடித்தனர்.

தவிர அர்ஷ்தீப் சிங் (8), ஸ்ரதா (10), தில்ராஜ் (21), துணைக் கேப்டன் ரோகித் (29), முகேஷ் (59) தலா ஒரு கோல் அடித்து கைகொடுத்தனர். இந்திய அணி 11-0 என்ற கோல் கணக்கில் வெற்றி பெற்றது. இன்று தனது இரண்டாவது போட்டியில் இந்திய அணி, ஜப்பானுடன் மோதுகிறது.