ஜெசிகா 'சாம்பியன்'

சார்லஸ்டன்: அமெரிக்காவில், டபிள்யு.டி.ஏ., சார்லஸ்டன் ஓபன் டென்னிஸ் தொடர் நடந்தது. ஒற்றையர் பிரிவு பைனலில் அமெரிக்காவின் ஜெசிகா பெகுலா, உக்ரைனின் யூலியா மோதினர். இதில் ஜெசிகா 6-2, 6-2 என்ற நேர் செட் கணக்கில் வெற்றி பெற்றார். தொடர்ந்து 2வது முறையாக (2025, 2026) கோப்பை வென்ற ஜெசிகா பெகுலா, டபிள்யு.டி.ஏ., ஒற்றையரில் தனது 11வது பட்டத்தை தட்டிச் சென்றார்.

அரையிறுதியில் லீட்ஸ்

கிழக்கு லண்டன்: இங்கிலாந்தில், எப்.ஏ., கோப்பை கால்பந்து 145வது சீசன் நடக்கிறது. கிழக்கு லண்டனில் நடந்த காலிறுதியில் வெஸ்ட் ஹாம் யுனைடெட், லீட்ஸ் யுனைடெட் அணிகள் மோதின. கூடுதல் நேரத்தின் முடிவில் போட்டி 2-2 என சமநிலையில் இருந்தது. பின், 'பெனால்டி ஷூட் அவுட்' முறையில் அசத்திய லீட்ஸ் அணி 4-2 என்ற கணக்கில் வெற்றி பெற்றது. 39 ஆண்டுகளுக்கு பின், இத்தொடரின் அரையிறுதிக்கு முன்னேறியது லீட்ஸ். இதில் கோவன்ட்ரி சிட்டி அணியிடம் தோற்றது.

எக்ஸ்டிராஸ்

* சென்னையில் இன்று நடக்கவுள்ள ஐ.எஸ்.எல்., கால்பந்து லீக் போட்டியில் சென்னை, இன்டர் காஷி அணிகள் மோதுகின்றன. சென்னை அணி, இதுவரை விளையாடிய 5 போட்டியில், ஒரு வெற்றி, 2 'டிரா', 2 தோல்வி என, 5 புள்ளிகளுடன் 10வது இடத்தில் உள்ளது.

* ஐதராபாத்தில், வரும் ஜூன் 16-28ல் ரக்பி பிரிமியர் லீக் (ஆர்.பி.எல்.,) 2வது சீசன் நடக்கவுள்ளது. 'நடப்பு சாம்பியன்' சென்னை, மும்பை, பெங்களூரு, டில்லி உள்ளிட்ட 6 அணிகள் பங்கேற்கின்றன.

* இத்தாலியில் நடக்கும் ஏ.டி.பி., சேலஞ்சர் டென்னிஸ் தகுதிச் சுற்றில் இந்தியாவின் சுமித் நாகல் 6-4, 3-6, 0-6 என, போலந்தின் மாக்ஸ் காஸ்னிகோவ்ஸ்கியிடம் தோல்வியடைந்தார்.

* பஞ்சாப் மாநிலம் லுாதியானாவில் நடந்த 'ஐ-லீக்' கால்பந்து போட்டியில் டைமண்ட் ஹார்பர் அணி 5-4 என்ற கோல் கணக்கில் நாம்தாரி அணியை வீழ்த்தியது.

* பீஹாரில் நடக்கும் 'சப்-ஜூனியர்' தேசிய ஹாக்கி சாம்பியன்ஷிப் லீக் போட்டியில் தமிழக அணி 1-8 என்ற கோல் கணக்கில் ஜார்க்கண்ட் அணியிடம் தோல்வியடைந்தது. தமிழகம் அணிக்கு சஞ்சய் ஆறுதல் தந்தார்