சென்னையில், அல்டிமேட் டேபிள் டென்னிஸ் 5வது சீசன் நடக்கிறது. நேற்று நடந்த லீக் போட்டியில் பெங்களூரு, ஜெய்ப்பூர் அணிகள் மோதின. ஆண்கள் ஒற்றையர் முதல் போட்டியில் பெங்களூருவின் அல்வாரோ 2-1 (11-6, 11-7, 10-11) என ஜெய்ப்பூரின் சோ செயுங்மினை வீழ்த்தினார். பெண்கள் ஒற்றையர் முதல் போட்டியில் லில்லி ஜாங் (பெங்களூரு) 3-0 (11-5, 11-10, 11-6) என நித்யஸ்ரீ மணியை (ஜெய்ப்பூர்) தோற்கடித்தார்.

கலப்பு இரட்டையரில் எழுச்சி கண்ட நித்யஸ்ரீ மணி, சோ செயுங்மின் ஜோடி 3-0 (11-7, 11-9, 11-9) என லில்லி ஜாங், அந்தோணி அமல்ராஜ் ஜோடியை வென்றது. ஆண்கள் ஒற்றையர் 2வது போட்டியில் பெங்களூருவின் ஜீத் சந்திரா 3-0 (11-8, 11-9, 11-6) என ஸ்னேஹித்தை (ஜெய்ப்பூர்) தோற்கடித்தார்.

பெண்கள் ஒற்றையர் 2வது போட்டியில் பெங்களூருவின் மணிகா பத்ரா 3-0 (11-10, 11-4, 11-10) என ஜெய்ப்பூரின் சுதாசினியை வீழ்த்தினார். முடிவில் பெங்களூரு அணி 11-4 என்ற கணக்கில், வரிசையாக 3வது வெற்றியை பதிவு செய்தது. முதலிரண்டு போட்டியில் சென்னை, புனே அணிகளை வீழ்த்தியது.