மான்செஸ்டர் சிட்டி அசத்தல்

லண்டன்: இங்கிலாந்தில், பிரிமியர் லீக் கால்பந்து தொடர் நடக்கிறது. லீக் போட்டியில் மான்செஸ்டர் சிட்டி, செல்சி அணிகள் மோதின. இதில் மான்செஸ்டர் சிட்டி அணி 3-0 என்ற கோல் கணக்கில் வெற்றி பெற்றது. இதுவரை விளையாடிய 31 போட்டியில், 19 வெற்றி, 7 'டிரா', 5 தோல்வி என, 64 புள்ளிகளுடன் மான்செஸ்டர் சிட்டி அணி 2வது இடத்தில் உள்ளது. முதலிடத்தில் ஆர்சனல் அணி (21 புள்ளி) நீடிக்கிறது.

எக்ஸ்டிராஸ்

* சைப்ரஸ் தீவில், 'கேண்டிடேட்ஸ்' செஸ் தொடர் நடக்கிறது. பெண்கள் பிரிவில் இன்று நடக்கும் 13வது சுற்றில் இந்தியாவின் வைஷாலி, சீனாவின் ஜோங்யி டான் மோதுகின்றனர். 12 சுற்றுகளின் முடிவில் தலா 7 புள்ளிகளுடன் முதலிடத்தை சீனாவின் ஜினர் ஜூவுடன் பகிர்ந்து கொண்டுள்ள வைஷாலி, இன்று வெற்றி பெற வேண்டிய கட்டாயத்தில் உள்ளார்.

* மங்கோலியாவில் நடந்த ஆசிய குத்துச்சண்டையில், இந்திய ராணுவத்தை சேர்ந்த விஷ்வநாத் சுரேஷ் (தங்கம்), பிரீத்தி பவார் (தங்கம்), அருந்ததி சவுத்ரி (தங்கம்), ஜெய்ஸ்மின் லம்போரியா (வெள்ளி), சச்சின் சிவாச் (வெள்ளி), ஆகாஷ் (வெண்கலம்), லோகேஷ் (வெண்கலம்), நரேந்தர் பெர்வால் (வெண்கலம்) என, 8 பேர் பதக்கம் கைப்பற்றினர்.

* புளோரிடாவில் நடக்கும் யு.எஸ். ஓபன் 'பிக்கிள்பால்' சாம்பியன்ஷிப் ஒற்றையர் பிரிவில் இந்தியாவின் அர்ஜுன் சிங், தீரன் படேல் தங்கம் வென்றனர். இந்தியாவுக்கு இதுவரை 3 தங்கம் கிடைத்துள்ளது.