உஸ்பெகிஸ்தானின் தாகஷ்கென்ட் நகரில் 15, 17 வயதுக்கு உட்பட்டோருக்கான ஆசிய குத்துச்சண்டை சாம்பியன்ஷிப் நடக்கிறது. 17 வயது ஆண்கள், 75 கிலோ பிரிவு அரையிறுதியில் இந்திய வீரர் லக்சய் போகத், தென் கொரியாவின் சியுங்மின் லீயை எதிர்கொண்டார்.

இதில் லக்சய் 5:0 என ஒரு மனதாக வெற்றி பெற்றதாக அறிவிக்கப்பட, பைனலுக்கு முன்னேறினார்.

46 கிலோ பிரிவு அரையிறுதியில் இந்தியாவின் நரேந்திர நெல்லா, உஸ்பெகிஸ்தானின் அப்துல்லோவை சந்தித்தார். இதில் ஏமாற்றிய நரேந்திரா, 0:5 என்ற கணக்கில் தோற்க, வெண்கலப் பதக்கம் கிடைத்தது.

50 கிலோ பிரிவு அரையிறுதியில் இந்திய வீரர் யாஷ் யாதவ், 1:4 என்ற கணக்கில் மங்கோலியாவின் சல்டு உசுக்பட்டரிடம் தோல்வியடைந்தார். இவருக்கு வெண்கலப் பதக்கம் கிடைத்தது.

70 கிலோ பிரிவில் இந்தியாவின் நமன், 2:3 என்ற கணக்கில் உஸ்பெகிஸ்தானின் அப்துவோஹித்திடம் போராடி தோற்க, வெண்கலம் பெற்றார்.