சென்னையில், அல்டிமேட் டேபிள் டென்னிஸ் 5வது சீசன் நடக்கிறது. நேற்று நடந்த லீக் போட்டியில் சென்னை, டில்லி அணிகள் மோதின. ஆண்கள் ஒற்றையர் முதல் போட்டியில் சென்னையின் அஜந்தா சரத் கமல், டில்லியின் லெவென்கோ மோதினர். இதில் சரத் கமல் 2-1 (11-5, 8-11, 11-8) என்ற கணக்கில் வெற்றி பெற்றார்.

பெண்கள் ஒற்றையர் முதல் போட்டியில் சென்னையின் சகுரா மோரி 2-1 (11-10, 11-8, 4-11) என டில்லியின் ஓரவானை வீழ்த்தினார். கலப்பு இரட்டையர் போட்டியில் சரத் கமல்-சகுரா மோரி ஜோடி 2-1 (11-6, 11-6, 9-11) என டில்லியின் சத்யன், ஓரவான் ஜோடியை வீழ்த்தியது.

ஆண்கள் ஒற்றையர் 2வது போட்டியில் சத்யன் ஞானசேகரன் 1-2 (7-11, 9-11, 11-8) என சென்னையின் ஜூல்ஸ் ரோலந்திடம் தோல்வியடைந்தார். பெண்கள் ஒற்றையர் 2வது போட்டியில் டில்லியில் தியா 3-0 (11-9, 11-7, 11-5) என சென்னையின் பைஸ்யாவை வென்றார்.

முடிவில் சென்னை அணி 8-7 என்ற கணக்கில் 'திரில்' வெற்றி பெற்றது. இது, இம்முறை சென்னை அணிக்கு கிடைத்த முதல் வெற்றியானது. முதல் போட்டியில் சென்னை அணி, பெங்களூருவிடம் தோல்வியடைந்தது.