சர்வதேச செஸ் கூட்டமைப்பு ('பிடே') சார்பில் பெண்களுக்கான கிராண்ட் ப்ரி தொடர் நடக்கிறது. இதற்கான போட்டிகள் 6 கட்டமாக நடத்தப்படுகிறது. சைப்ரசில் 4ம் கட்ட போட்டிகள் நடக்கின்றன. இதில் இந்தியாவின் ஹரிகா துரோணவள்ளி, திவ்யா தேஷ்முக் உள்ளிட்ட 10 பேர் பங்கேற்கின்றனர்.

இதன் 2வது சுற்றில் இந்தியாவின் ஹரிகா, கிரீசின் ஸ்டாவ்ரூலா சோலாகிடோ மோதினர். ஹரிகா வெள்ளை நிற காய்களுடன் விளயைாடினார். விறுவிறுப்பான இப்போட்டி 42வது நகர்த்தலின் போது 'டிரா' ஆனது. மற்றொரு போட்டியில் இந்தியாவின் திவ்யா, உக்ரைனின் மரியா முசிசுக் மோதினர். ஹரிகா கருப்பு நிற காய்களுடன் களமிறங்கினார். இப்போட்டி 40வது நகர்த்தலில் 'டிரா' ஆனது.

இரண்டு சுற்றுகளின் முடிவில் சீனாவின் ஜு ஜினர் (2.0 புள்ளி), கிரீசின் ஸ்டாவ்ரூலா (1.5) முதலிரண்டு இடங்களில் உள்ளனர். ஹரிகா, திவ்யா, மரியா முசிசுக், அன்னா முசிசுக் உள்ளிட்ட 6 பேர் தலா 1.0 புள்ளிகளுடன் 3வது இடத்தை பகிர்ந்து கொண்டுள்ளனர்.