நெதர்லாந்தில், டாடா ஸ்டீல் செஸ் 87வது சீசன் நடக்கிறது. இதன் மாஸ்டர்ஸ் பிரிவு 7வது சுற்றில், 'நடப்பு உலக சாம்பியன்' இந்தியாவின் குகேஷ், சகவீரர் ஹரிகிருஷ்ணா மோதினர். இதில் வெள்ளை நிற காய்களுடன் விளையாடிய குகேஷ், 45வது நகர்த்தலின் போது வெற்றி பெற்றார். இது, குகேஷின் 3வது வெற்றியானது.

மற்றொரு 7வது சுற்றுப் போட்டியில் இந்தியாவின் அர்ஜுன் எரிகைசி, நெதர்லாந்தின் மேக்ஸ் வார்மர்டாமிடம் தோல்வியடைந்தார். இந்தியாவின் பிரக்ஞானந்தா, நெதர்லாந்தின் ஜோர்டன் வான் பாரஸ்ட் மோதிய மற்றொரு 7வது சுற்றுப் போட்டி 'டிரா' ஆனது.

ஏழு சுற்றுகளின் முடிவில் இந்தியாவின் குகேஷ், பிரக்ஞானந்தா, உஸ்பெகிஸ்தானின் நாடிர்பெக் தலா 5.0 புள்ளிகளுடன் முதலிடத்தை பகிர்ந்து கொண்டுள்ளனர். ஹரிகிருஷ்ணா, அமெரிக்காவின் பேபியானோ காருணா, சீனாவின் யி வெய் தலா 3.5 புள்ளிகளுடன் 6வது இடத்தை பகிர்ந்து கொண்டுள்ளார். மற்ற இந்திய வீரர்களான அர்ஜுன் (2.0), மெடோன்கா (1.5) முறையே 13, 14வது இடத்தில் உள்ளனர்.