கனடாவின் டொரன்டோவில் 'கேண்டிடேட்ஸ்' செஸ் தொடர் நடக்கிறது. இந்தியாவின் பிரக்ஞானந்தா, குகேஷ், விதித் சந்தோஷ் குஜ்ராத்தி, அமெரிக்காவின் ஹிகாரு நகமுரா உள்ளிட்ட 8 பேர் பங்கேற்கின்றனர்.

இதன் ஏழாவது சுற்றில் இந்தியாவின் பிரக்ஞானந்தா, அமெரிக்காவின் பேபியானோ காருணாவை சந்தித்தார். கருப்பு நிற காய்களுடன் விளையாடிய பிரக்ஞானந்தா, 41வது நகர்த்தலில் 'டிரா' செய்தார். விதித் குஜ்ராத்தி, அஜர்பெய்ஜானின் நிஜாத் மோதிய மற்றொரு போட்டி 50 வது நகர்த்தலில் 'டிரா' ஆனது.

குகேஷ் தோல்வி

இந்திய வீரர் குகேஷ், பிரான்சின் அலிரேசாவை எதிர்கொண்டார். இதில் கருப்பு நிற காய்களுடன் விளையாடிய குகேஷ், துவக்கத்தில் முந்தினார். 36, 37 வது நகர்த்தலில் அடுத்தடுத்து செய்த தவறு காரணமாக, 40 வது நகர்த்தலில் அதிர்ச்சி தோல்வியடைந்தார்.

ஏழு சுற்று முடிவில் ரஷ்யாவின் நேபோம்னியாட்சி (4.5) முதல் இடத்தில் உள்ளார். குகேஷ் (4.0), காருணா (4.0), பிரக்ஞானந்தா (4.0) அடுத்த மூன்று இடங்களில் உள்ளனர். விதித் சந்தோஷ் (3.6) ஆறாவது இடத்தில் உள்ளார்.

பெண்களுக்கான தொடர் ஏழாவது சுற்றில் இந்தியாவின் ஹம்பி, அனா (உக்ரைன்) மோதிய போட்டி 'டிரா' ஆனது. வைஷாலி, சீனாவின் டிங்ஜியிடம் தோல்வியடைந்தார். ஹம்பி (2.5), வைஷாலி (2.5), 6, 8வது இடத்தில் உள்ளனர்.