ஹங்கேரியின் புடாபெஸ்ட் நகரில் செஸ் ஒலிம்பியாட் தொடர் 45வது சீசன் நடக்கிறது. ஓபன் பிரிவு மூன்றாவது சுற்றில் இந்திய ஆண்கள் அணி, ஹங்கேரியை எதிர்கொண்டது. இந்தியாவின் குகேஷ், ஹங்கேரியின் ஆடம் கோஜாக்கை சந்தித்தார். வெள்ளை நிற காய்களுடன் விளையாடிய குகேஷ், 54 வது நகர்த்தலில் வெற்றி பெற்றார். இந்தியாவின் பிரக்ஞானந்தா, அர்ஜுன் தங்கது போட்டியில் வெற்றி பெற்றனர்.

விதித் குஜ்ராத்தி-கபோர் மோதிய போட்டி 'டிரா' ஆனது. இந்திய அணி 3.5-0.5 என்ற கணக்கில் இத்தொடரில் 'ஹாட்ரிக்' வெற்றி பெற்றது. 6 புள்ளியுடன் முதலிடத்தில் நீடிக்கிறது.

பெண்கள் அபாரம்

பெண்கள் பிரிவில் இந்தியா, சுவிட்சர்லாந்தை எதிர்கொண்டது. இந்தியாவின் வைஷாலி, திவ்யா, வந்திதா வெற்றி பெற்றனர். 'சீனியர்' வீராங்கனை ஹரிகா, அலெக்சாண்ட்ராவிடம் தோல்வியடைந்தார். இந்திய பெண்கள் அணி 3.0-1.0 என்ற கணக்கில் வெற்றி பெற்றது. 6 புள்ளியுடன் 7வது இடத்தில் உள்ளது.