கோவாவில், உலக கோப்பை செஸ் 11வது சீசன் நடக்கிறது. மொத்தம் 206 பேர் பங்கேற்கின்றனர். இந்தியாவின் அர்ஜுன் எரிகைசி, பிரக்ஞானந்தா, ஹரிகிருஷ்ணா, கார்த்திக் வெங்கடராமன் என 5 வீரர்கள் நான்காவது சுற்றில் பங்கேற்கின்றனர். இதன் இரண்டாவது போட்டி நேற்று நடந்தன.

அர்ஜுன், ஹங்கேரியின் பீட்டர் லெகோ மோதிய போட்டி 36 நகர்த்தலில் 'டிரா' ஆனது (ஸ்கோர் 1.0-1.0). பிரக்ஞானந்தா, ரஷ்யாவின் டேனில் டுபோ மோதிய மற்றொரு போட்டி, 30 வது நகர்த்தலில் 'டிரா' ஆனது (ஸ்கோர் 1.0-1.0). ஹரி கிருஷ்ணா-சுவீடனின் கிரான்டெலியஸ் இடையிலான போட்டியும் 'டிரா ஆனது.

இன்று 'டை பிரேக்கர்' சுற்று நடக்கிறது. இதில் அசத்தினால் ஐந்தாவது சுற்றுக்கு முன்னேறலாம். நேற்று நடந்த மற்றொரு போட்டியில் இந்தியாவின் பிரனவ், 0.5-1.5 என உஸ்பெகிஸ்தானின் நாடிர்பெக்கிடம் தோல்வியடைந்து, வெளியேறினார். கார்த்திக் வெங்கடராமன்-சீனாவின் லியம் லீயிடம் (0.5-1.5) வீழ்ந்தார்.