சுவீடனின் மால்மோ நகரில், 'டெபே சீஜ்மான்' கிளாசிக் செஸ் தொடர் நடக்கிறது. 5 முறை உலக சாம்பியன் ஆன நார்வேயின் மாக்னஸ் கார்ல்சன், இந்தியாவின் அர்ஜுன் எரிகைசி உள்ளிட்ட 8 பேர் பங்கேற்கின்றனர்.

இதன் 4வது சுற்றில் இந்தியாவின் அர்ஜுன் எரிகைசி, உஸ்பெகிஸ்தானின் நாடிர்பெக்கை எதிர்கொண்டார். அர்ஜுன் கருப்பு நிற காய்களுடன் விளையாடினார். துவக்கத்தில் இருந்து இருவரும் சமபலத்தில் விளையாடினர். முடிவில், 62 நகர்த்தலில் போட்டி 'டிரா' ஆனது.

மற்றொரு போட்டியில் கார்ல்சன், நெதர்லாந்தின் ஜோர்டென் பாரீஸ்ட் மோதினர். 88 நகர்த்தல் வரை நீடித்த இப்போட்டியில், கார்ல்சன் தோல்வியடைந்தார். நான்கு சுற்று முடிவில் துருக்கியின் யாஜிஸ் (3.0) முதலிடத்தில் உள்ளார். உஸ்பெகிஸ்தானின் நாடிர்பெக், அர்ஜுன் தலா 2.5 புள்ளியுடன் அடுத்த இரு இடத்தில் உள்ளனர்.