பிஷ்கெக்: கிர்கிஸ்தானில் ஆசிய ஒலிம்பிக் மல்யுத்த தகுதி போட்டி நேற்று துவங்கியது. இந்தியா சார்பில் தீபக் புனியா (86 கிலோ), சுஜீத் (65 கிலோ), வினேஷ் போகத் உள்ளிட்டோர் பங்கேற்க தேர்வாகினர். இதில் தீபக், சுஜீத் இருவரும் ஏப். 2-15ல் ரஷ்யாவில் பயிற்சியில் ஈடுபட்டனர். ஏப். 16ல் துபாய் வழியாக கிர்கிஸ்தான் செல்ல திட்டமிட்டு இருந்தனர். ஆனால் துபாயில் 75 ஆண்டுகளில் இல்லாத அளவில் 259.5 மி.மி., மழை பெய்தது. இதனால் ஏற்பட்ட வெள்ளத்தால் 300 க்கும் மேற்பட்ட விமானங்கள் ரத்து செய்யப்பட்டன.