சென்னையில், அல்டிமேட் டேபிள் டென்னிஸ் 5வது சீசன் நடக்கிறது. இதன் பைனலுக்கு கோவா அணி முன்னேறியது. இரண்டாவது அரையிறுதியில் ஆமதாபாத், டில்லி அணிகள் மோதின. ஆண்கள் ஒற்றையர் முதல் போட்டியில் டில்லியின் சத்யன் ஞானசேகரன் 1-2 (4-11, 11-5, 5-11) என ஆமதாபாத்தின் லிலியன் பார்டெட்டிடம் தோல்வியடைந்தார். பெண்கள் ஒற்றையர் முதல் போட்டியில் டில்லியின் ஓரவன் 3-0 (11-7, 11-9, 11-9) என ஆமதாபாத்தின் பெர்னாடெட் சோக்சை வீழ்த்தினார்.

கலப்பு இரட்டையரில் ஆமதாபாத்தின் பெர்னாடெட், மனுஷ் ஷா ஜோடி 3-0 (11-9, 11-7, 11-9) என டில்லியின் சத்யன், ஓரவன் ஜோடியை வென்றது. ஆண்கள் ஒற்றையர் 2வது போட்டியில் மனுஷ் ஷா 1-2 (11-8, 10-11, 11-8) என டில்லியின் லெவென்கோவிடம் வீழ்ந்தார். இதனையடுத்து போட்டி 6-6 என சமநிலை வகித்தது.

பெண்கள் ஒற்றையர் 2வது போட்டியில் டில்லியின் தியா 2-0 (11-8, 11-4) என ஆமதாபாத்தின் ரீத் ரிஷ்யாவை வீழ்த்தினார். முடிவில் டில்லி அணி 8-6 என வெற்றி பெற்று பைனலுக்குள் நுழைந்தது. இன்று நடக்கும் பைனலில் டில்லி அணி, 'நடப்பு சாம்பியன்' கோவாவை எதிர்கொள்கிறது.