இரு நாள் நடக்கும் இப்போட்டியில் இந்தியா சார்பில் ஈட்டி எறிதல் வீரர் நீரஜ் சோப்ரா பங்கேற்க தகுதி பெற்றார். ஒலிம்பிக்கில் இந்தியாவுக்கு இரு பதக்கம் (2021ல் தங்கம், 2024ல் வெள்ளி) வென்று தந்த நீரஜ் சோப்ரா, 2025ல் இரு தொடரில் மட்டும் பங்கேற்றார். கத்தாரில் 90.23 மீ., துாரம் எறிந்து இரண்டாவது இடம், பாரிசில் 88.16 மீ., எறிந்து, முதலிடம் பிடித்தார்.

மூன்றாவது முறை

இதையடுத்து 15 புள்ளியுடன், டைமண்ட் லீக் பைனலில் மூன்றாவது முறையாக பங்கேற்க வாய்ப்பு பெற்றார் நீரஜ் சோப்ரா. கடந்த 2023 (83.80 மீ.,), 2024 (87.86 மீ.,) என இரு முறையும் இரண்டாவது இடம் பெற்றார்.

தவிர, டப்பு ஆண்டில் பங்கேற்ற 6 சர்வதேச தொடரில் நீரஜ் சோப்ரா, 4ல் முதலிடம், 2ல் இரண்டாவது இடம் பெற்றுள்ளார். இதனால் இம்முறை சாம்பியன் ஆகலாம்.

இவருக்கு கெஷ்ஹார்ன் (டிரினிடாட் அண்டு டுபாகோ), ஜூலியன் வெப்பர் (ஜெர்மனி), ஆண்டர்சன் பீட்டர்ஸ் (கிரனடா) சவால் கொடுக்க காத்திருக்கின்றனர்.