ஜெர்மனியில், சர்வதேச குதிரையேற்ற போட்டி நடந்தது. இதில் 'டிரஸ்சேஜ்' பிரிவில் இந்தியாவின் அனுஷ் அகர்வாலா 25, பங்கேற்றார். கோல்கட்டாவை சேர்ந்த இவர், கடந்த 2023ல் ஆசிய விளையாட்டு 'டிரஸ்சேஜ்' பிரிவில் தங்கம் (அணி), வெண்கலம் (தனிநபர்) என 2 பதக்கம் வென்றார்.

பாரிஸ் ஒலிம்பிக்கில் விளையாடிய இவர், ஒலிம்பிக் குதிரையேற்ற போட்டியில் பங்கேற்ற முதல் இந்தியர் என வரலாறு படைத்தார். இப்போட்டியில் 7 வயதான புளோரியானா என்ற குதிரையுடன் களமிறங்கிய அனுஷ், 69.891 சதவீத புள்ளிகளுடன் முதலிடத்தை கைப்பற்றினார். அடுத்த இரு இடங்களை ஜெர்மனியின் பியா பியோட்ரோவ்ஸ்கி, கேத்ரினா ஹெம்மர் தட்டிச் சென்றனர்.