எகிப்தில், உலக துப்பாக்கி சுடுதல் சாம்பியன்ஷிப் தொடர் நடக்கிறது. பெண்களுக்கான தனிநபர் 25 மீ., 'பிஸ்டல்' பிரிவு தகுதிச் சுற்றில் இந்தியாவின் ஈஷா சிங் (587.21 புள்ளி), மனு பாகர் (587.21) முறையே 5, 6வது இடம் பிடித்து பைனலுக்கு முன்னேறினர். மற்றொரு இந்திய வீராங்கனை ராஹி சர்னோபட் (572.17) 54வது இடம் பிடித்து ஏமாற்றினார்.

அடுத்து நடந்த பைனலில் ஈஷா சிங் 30 புள்ளிகளுடன் 3வது இடம் பிடித்து வெண்கலப்பதக்கத்தை கைப்பற்றினார். மனு பாகர் (23) 5வது இடம் பிடித்து ஏமாற்றினார்.

இதுவரை 3 தங்கம், 5 வெள்ளி, 4 வெண்கலம் என, 12 பதக்கங்களுடன் இந்தியா 3வது இடத்தில் உள்ளது. முதலிரண்டு இடங்களில் சீனா (10 தங்கம், 6 வெள்ளி, 2 வெண்கலம்), தென் கொரியா (6 தங்கம், 2 வெள்ளி, 3 வெண்கலம்) உள்ளன.