சென்னையில், அல்டிமேட் டேபிள் டென்னிஸ் 5வது சீசன் நடக்கிறது. நேற்று நடந்த லீக் போட்டியில் டில்லி, கோவா அணிகள் மோதின. ஆண்கள் ஒற்றையர் முதல் போட்டியில் டில்லியின் சத்யன் ஞானசேகரன் 2-1 (8-11, 11-9, 11-9) என கோவாவின் மிஹாய் போபோசிகாவை வீழ்த்தினார்.

பெண்கள் ஒற்றையர் முதல் போட்டியில் டில்லியின் ஓரவன் பரணங் 2-1 (11-7, 11-10, 6-11) என கோவாவின் யாங்ஜி லியுவை தோற்கடித்தார். கலப்பு இரட்டையர் போட்டியில் சத்யன், ஓரவன் ஜோடி 2-1 (11-7, 11-4, 7-11) என கோவாவின் ஹர்மீத் தேசாய், யாங்ஜி ஜோடியை வென்றது.

ஆண்கள் ஒற்றையர் 2வது போட்டியில் ஹர்மீத் தேசாய் 2-1 (7-11, 11-8, 11-9) என டில்லியின் லெவென்கோவை வீழ்த்தினார். பெண்கள் ஒற்றையர் 2வது போட்டியில் டில்லியின் தியா 2-1 (11-10, 11-6, 3-11) என கோவாவின் யாஷஸ்வினியிடம் தோல்வியடைந்தார்.

முடிவில் டில்லி அணி 9-6 என்ற கணக்கில் முதல் வெற்றியை பதிவு செய்தது. முதலிரண்டு போட்டியில் மும்பை, சென்னையிடம் தோல்வியடைந்தது.