வீனஸ் வில்லியம்ஸ் தோல்வி

சின்சினாட்டி: அமெரிக்காவில், சின்சினாட்டி ஓபன் டென்னிஸ் தொடர் நடக்கிறது. பெண்கள் ஒற்றையர் பிரிவு முதல் சுற்றில், அமெரிக்காவின் வீனஸ் வில்லியம்ஸ், கொலம்பியாவின் எமிலியானா அராங்கோ மோதினர். இதில் வீனஸ் 2-6, 2-6 என தோல்வியடைந்தார். இது, வீனஸ் தொடர்ச்சியாக பெற்ற 13வது தோல்வி. மற்றொரு போட்டியில் அமெரிக்காவின் சோபியா கெனின் 1-6, 6-3, 6-3 என, ஜெர்மனியின் ஈவா லிஸ்சை வீழ்த்தினார். அமெரிக்காவின் ஸ்லோன் ஸ்டீபன்ஸ் 7-5, 6-3 என ஆஸ்திரியாவின் சின்ஜா கிராசை வென்றார்.

எக்ஸ்டிராஸ்

* அமெரிக்காவின் செயின்ட் லுாயிசில், 'சின்க்யுபீல்டு' கோப்பை செஸ் தொடர் நடக்கிறது. இந்தியாவின் பிரக்ஞானந்தா (கறுப்பு), அமெரிக்காவின் சோ வெஸ்லி (வெள்ளை) மோதிய 5வது சுற்று, 26வது நகர்த்தலில் 'டிரா' ஆனது.

* ஆஸ்திரேலியாவில் நடக்கும் பென்டிகோ ஓபன் சேலஞ்சர் ஸ்குவாஷ் அரையிறுதியில் இந்திய வீராங்கனை சான்யா வாட்ஸ் 2-3 (6-11, 11-8, 9-11, 11-8, 7-11) என, ஆஸ்திரேலியாவின் ரேச்சல் கிரின்ஹாமிடம் தோல்வியடைந்தார்.

* புனேயில், தேசிய ரேங்கிங் டேபிள் டென்னிஸ் சாம்பியன்ஷிப் தொடர் இன்று துவங்குகிறது.

* உஸ்பெகிஸ்தானில், வரும் செப். 15-28ல் செஸ் ஒலிம்பியாட் நடக்கவுள்ளது. இதில் பங்கேற்கும் செயின்ட் கிட்ஸ் அண்ட் நேவிஸ் அணியின் கேப்டன், பயிற்சியாளராக, மும்பையை சேர்ந்த 'பிடே' பயிற்சியாளரும், நடுவருமான பிரபுல் ஜவேரி நியமிக்கப்பட்டுள்ளார்.

* கொல்கட்டாவில் இன்று நடக்கவுள்ள துாரந்த் கோப்பை கால்பந்து தொடருக்கான காலிறுதியில், ஈஸ்ட் பெங்கால், இந்திய ராணுவ அணிகள் மோதுகின்றன.

* புனேயில், பெண்களுக்கான ஜூனியர் தேசிய ஹாக்கி சாம்பியன்ஷிப் 16வது சீசன் நடக்கிறது. இதன் லீக் போட்டியில் கர்நாடகா அணி 6-1 என, உத்தரகாண்ட் அணியை வீழ்த்தியது. பீஹார் அணி 6-0 என, கோவாவை வென்றது. மிசோரம் அணி 2-0 என,கேரளாவை தோற்கடித்தது.