இந்திய கிளாசிக் கோல்ப் சாம்பியன்ஷிப் தொடர் ஹரியானாவில் நடந்தது. முதல் இரு சுற்று முடிவில் 67, 73 ஸ்டிரோக்குடன் நான்காவது இடத்தில் இருந்தார் கோல்கட்டாவின் விராஜ் மடப்பா. நேற்று கடைசி சுற்று போட்டி நடந்தது. இதில் சிறப்பாக செயல்பட்ட விராஜ், 65 ஸ்டிரோக் பெற்றார். இதையடுத்து 205 ஸ்டிரோக்குடன் (67, 73, 65) முதலிடத்துக்கு முன்னேறி கோப்பை வென்றார்.

காயம் காரணமாக நீண்ட ஓய்வில் இருந்த விராஜ், 2021க்குப் பின் இவர் வென்ற மூன்றாவது சர்வதேச கோப்பை இது. இவருக்கு ரூ. 6 லட்சம் பரிசு கிடைத்தது. பெங்களூருவின் திரிஷுல் சின்னப்பா (207), சண்டிகரின் ரஞ்சித் சிங் (208) அடுத்த இரு இடம் பெற்றனர்.