இந்தியாவில், புரோ கபடி லீக் 12வது சீசன் நடக்கிறது. 'நடப்பு சாம்பியன்' ஹரியானா, தமிழ் தலைவாஸ், பெங்களூரு உள்ளிட்ட 12 அணிகள் பங்கேற்கின்றன.

சென்னையில் நடந்த லீக் போட்டியில் குஜராத், உ.பி., அணிகள் மோதின. உ.பி., வீரர்களை 'ஆல்-அவுட்' செய்த குஜராத் அணி, முதல் பாதி முடிவில் 21-16 என முன்னிலையில் இருந்தது. இரண்டாவது பாதியில் ஆதிக்கம் செலுத்திய குஜராத் அணி, ஆட்டநேர முடிவில் 33-27 என்ற கணக்கில் 2வது வெற்றி பெற்றது. குஜராத் அணிக்கு அங்கித் தாகியா (8 புள்ளி), கேப்டன் ராகேஷ் (6) கைகொடுத்தனர். உ.பி., அணி சார்பில் பவானி ராஜ்புட் 8, ககன் கவுடா 6 புள்ளி பெற்றனர்.

குஜராத் அணி, இதுவரை விளையாடிய 9 போட்டியில் 2 வெற்றி, 7 தோல்வி என, 4 புள்ளிகளுடன் 12வது இடத்தில் நீடிக்கிறது. ஐந்தாவது தோல்வியை பெற்ற உ.பி., அணி (8 புள்ளி) 7வது இடத்தில் உள்ளது.

மற்றொரு லீக் போட்டியில் டில்லி அணி 38-37 என்ற கணக்கில் ஹரியானாவை வீழ்த்தியது.