சீனாவின் பீஜிங் நகரில், மாற்றுத்திறனாளிகளுக்கான ஆசிய பாரா வில்வித்தை சாம்பியன்ஷிப் நடந்தது. ஆண்களுக்கான ரிகர்வ் ஓபன் பிரிவு பைனலில் இந்தியாவின் ஹர்விந்தர் சிங், தாய்லாந்தின் நெட்சிரி மோதினர்.

இதில் ஹர்விந்தர் 7-1 என்ற கணக்கில் வெற்றி பெற்று தங்கப்பதக்கத்தை தட்டிச் சென்றார். இது, இத்தொடரில் இவர் கைப்பற்றிய 3வது தங்கம். ஏற்கனவே ஆண்கள் இரட்டையர், கலப்பு இரட்டையரில் தங்கம் வென்றிருந்தார்.

இத்தொடரில் 3 தங்கம், 3 வெள்ளி, 3 வெண்கலம் என, 9 பதக்கம் கைப்பற்றிய இந்தியா, பதக்கப்பட்டியலில் 2வது இடம் பிடித்தது. முதலிடத்தை சீனா (10 தங்கம், 4 வெள்ளி, 3 வெண்கலம்) தட்டிச் சென்றது.