துப்பாக்கி சுடுதலில் சுவீடனின் ஆஸ்கார் ஸ்வான், மான் வடிவ இலக்கை நோக்கி குறி தவறாமல் சுட்டு 2 தங்கம் வென்றார். 1912ல் ஒரு தங்கம், ஒரு வெண்கலம் வென்றார். 1920ல் வெள்ளி வென்றதன் மூலம் ஒலிம்பிக்கில் பதக்கம் பெற்ற மிகவும் வயதான (72 வயது, 279 நாட்கள்) வீரரானார். மூன்று ஒலிம்பிக் போட்டிகளில் 3 தங்கம் உட்பட 6 பதக்கங்களை கைப்பற்றினார்.

நவீன ஒலிம்பிக்கின் தந்தை என போற்றப்பட்ட பியரி கூபர்ட்டின்,'ஒலிம்பிக் போட்டிகளில் வெற்றியை காட்டிலும் பங்கேற்பதே முக்கியம். வீழ்ந்தாலும், கடினமாக போராட வேண்டும்,' என்ற கொள்கையை 1908ல் பிரகடனப்படுத்தினார்.

எக்ஸ்டிராஸ்

146 பதக்கம்

லண்டன் ஒலிம்பிக்கில் 56 தங்கம், 51 வெள்ளி, 39 வெண்கலம் என மொத்தம் 146 பதக்கங்கள் வென்ற இங்கிலாந்து முதலிடம் பிடித்தது. அடுத்த இரு இடங்களை அமெரிக்கா (23 தங்கம், 12 வெள்ளி, 12 வெண்கலம்), சுவீடன் (8 தங்கம், 6 வெள்ளி, 11 வெண்கலம்) பெற்றன.