டென்னிஸ்: ஸ்வியாடெக் அபாரம்

பெண்களுக்கான டென்னிஸ் ஒற்றையர் பிரிவு முதல் சுற்றில் உலகின் 'நம்பர்-1' போலந்தின் இகா ஸ்வியாடெக், அமெரிக்காவின் ஜெசிகா பெகு மோதினர். இதில் ஸ்வியாடெக் 6-2, 7-5 என்ற நேர் செட் கணக்கில் வெற்றி பெற்றார். மற்றொரு போட்டியில் இத்தாலியின் ஜாஸ்மின் பவுலினி 7-5, 6-3 என ருமேனியாவின் அனா போக்டானை வீழ்த்தினார்.

வாலிபால்: ஜெர்மனிக்கு ஜெயம்

ஆண்களுக்கான வாலிபால் 'சி' பிரிவு லீக் போட்டியில் ஜப்பான், ஜெர்மனி அணிகள் மோதின. இதில் ஜெர்மனி அணி 2-3 (25-17, 23-25, 20-25, 30-28, 15-12) என்ற கணக்கில் வெற்றி பெற்றது.

கூடைப்பந்து: ஆஸி., அசத்தல்

ஆண்களுக்கான கூடைப்பந்து 'ஏ' பிரிவு லீக் போட்டியில் ஆஸ்திரேலியா, ஸ்பெயின் அணிகள் மோதின. இதில் ஆஸ்திரேலியா 92-80 என்ற கணக்கில் வெற்றி பெற்றது.

ஹேண்ட்பால்: எகிப்து வெற்றி

ஆண்களுக்கான ஹேண்ட்பால் 'பி' பிரிவு லீக் போட்டியில் ஹங்கேரி, எகிப்து அணிகள் மோதின. இதில் எகிப்து அணி 35-32 என வெற்றி பெற்றது. ஆண்களுக்கான 'ஏ' பிரிவு லீக் போட்டியில் ஸ்பெயின் அணி 25-22 என சுலோவேனியாவை வென்றது.

டைவிங்: சீனா ஆதிக்கம்

பெண்களுக்கான 3 மீ., நடன 'ஸ்பிரிங்போர்டு' டைவிங் பைனலில் சீனாவின் சாங் யானி, சென் யிவன் ஜோடி (337.68 புள்ளி) தங்கம் வென்றது. டோக்கியோ ஒலிம்பிக் டைவிங் போட்டியில் 7 தங்கம் வென்றது சீனா. இம்முறை சீன நட்சத்திரங்கள் ஆதிக்கம் செலுத்தினால் டைவிங் போட்டியில் மொத்தமுள்ள 8 தங்கத்தையும் கைப்பற்றலாம். லாஸ் ஏஞ்சல்ஸ் ஒலிம்பிக்கில் (1984) டைவிங் போட்டியில் முதல் தங்கம் வென்ற சீனா, இதுவரை 47 தங்கம், 23 வெள்ளி, 10 வெண்கலம் வென்றுள்ளது.