நெதர்லாந்து சென்றுள்ள சஞ்சய் தலைமையிலான இந்தியா 'ஏ' ஹாக்கி அணி, 8 போட்டிகளில் விளையாடுகிறது. முதலிரண்டு போட்டியில் அயர்லாந்தை வீழ்த்திய இந்தியா, நேற்று நடந்த 3வது போட்டியில் பிரான்சை எதிர்கொண்டது. அபாரமாக ஆடிய இந்திய அணி 3-2 என்ற கணக்கில் 'ஹாட்ரிக்' வெற்றியை பதிவு செய்தது. இந்திய அணிக்கு ஆதித்யா அர்ஜுன் 2, பாபி சிங் தாமி ஒரு கோல் அடித்து கைகொடுத்தனர். பிரான்ஸ் அணிக்கு கிளமென்ட் 2 கோல் அடித்து ஆறுதல் தந்தார்.

இந்திய அணியின் பயிற்சியாளர் ஷிவேந்திரா சிங் கூறுகையில், ''இந்திய வீரர்களின் கடினமான பயிற்சிக்கு நல்ல பலன் கிடைத்துள்ளது. பயிற்சியின் போது வகுத்த திட்டங்களை போட்டியில் சரியாக செயல்படுத்தினர்,'' என்றார்.