சீனா சென்ற இந்தியா 'ஏ' ஆண்கள் ஹாக்கி அணி, அங்குள்ள கன்சு கிளப் அணிக்கு எதிராக 4 போட்டிகள் கொண்ட தொடரில் பங்கேற்றது. முதல் மூன்று போட்டியிலும் (7-0, 2-1, 8-0) இந்தியா 'ஏ' அணி வெற்றி பெற்றது. நான்காவது, கடைசி போட்டியிலும் ஆதிக்கம் செலுத்திய இந்தியா 'ஏ' அணி 8-3 என்ற கோல் கணக்கில் வெற்றி பெற்று, தொடரை 4-0 என முழுமையாக கைப்பற்றியது. இத்தொடரில் இந்தியா சார்பில் சஞ்சய், கார்த்தி, கென்சே, அங்கத் பிர் சிங் தலா 3 கோல் அடித்தனர்.

சீனா சென்ற இந்தியா 'ஏ' பெண்கள் அணி, அங்குள்ள லியோனிங் கிளப் அணிக்கு எதிராக 5 போட்டிகள் கொண்ட தொடரில் பங்கேற்றது. இதில் இந்தியா 'ஏ' அணி 4 'டிரா', ஒரு தோல்வியை பதிவு செய்தது.