ஓமன் தலைநகர் மஸ்கட்டில் ஆண்களுக்கான ஐவர் ஹாக்கி உலக கோப்பை முதல் சீசன் நடக்கிறது. மொத்தம் 16 அணிகள் 4 பிரிவுகளாக லீக் சுற்றில் பங்கேற்றன. 'பி' பிரிவில் இடம் பிடித்த இந்திய அணி முதல் போட்டியில் சுவிட்சர்லாந்தை வென்றது. இரண்டாவது போட்டியில் எகிப்திடம் வீழ்ந்தது.

மூன்றாவது லீக் போட்டியில் இந்தியா, ஜமைக்கா அணிகள் மோதின. கோல் மழை பொழிந்த இந்தியா 13-0 என வெற்றி பெற்றது. இந்தியா சார்பில் மனிந்தர் சிங் 4, மஞ்ஜீத், முகமது ரஹீல், மந்தீப் மோர் தலா 2, உத்தம் சிங், பவான் ராஜ்பார், குர்ஜோத் சிங் தலா ஒரு கோல் அடித்தனர்.

'பி' பிரிவில் விளையாடிய மூன்று போட்டியில் 2 வெற்றி, ஒரு தோல்வி என 6 புள்ளிகளுடன் 2வது இடம் பிடித்த இந்தியா 'நாக்-அவுட்' சுற்றுக்குள் நுழைந்தது. இன்று நடக்கும் காலிறுதியில் இந்தியா, நெதர்லாந்து அணிகள் மோதுகின்றன.