இதற்கான தகுதிச்சுற்று இந்தியாவின் ஐதராபாத்தில் நடக்கிறது. மொத்தம் 8 அணிகள் பங்கேற்கின்றன. 'டாப்-3' இடம் பெறும் அணிகள் 'உலக' தொடருக்கு தகுதி பெறலாம்.

இந்திய அணி 'பி' பிரிவில், ஸ்காட்லாந்து, உருகுவே, வேல்ஸ் அணிகளுடன் இடம் பெற்றுள்ளது. முதல் போட்டியில் இந்திய அணி 4-0 என உருகுவேயை வென்றது.

அடுத்து ஸ்காட்லாந்துக்கு எதிராக 'டிரா' (2-2) செய்தது. இதுவரை 2 போட்டியில் 4 புள்ளி பெற்று, பட்டியலில் முதலிடத்தில் உள்ளது.

இன்று தனது மூன்றாவது, கடைசி போட்டியில் இந்திய அணி, வேல்சை எதிர்கொள்கிறது. இப்போட்டியில் குறைந்தபட்சம் 'டிரா' செய்தால், புள்ளிப்பட்டியலில் 'டாப்-2' இடம் பிடித்து அரையிறுதிக்கு முன்னேறலாம்.

இந்தியாவின் இளம் வீராங்கனை சுனேலிதா அசத்தலான 'பார்மில்' உள்ளார். தவிர அன்னு, இஷிகா, நவ்னீத் கவுர், ருடுஜா, லால்ரெம்சியாமி கைகொடுக்கலாம். கோல்கீப்பர் பிச்சு தேவி, எதிரணி வாய்ப்புகளை தடுத்து உதவுகிறார்.

வேல்ஸ் அணியை பொறுத்தவரையில் முதல் இரு போட்டியிலும் தோற்றுள்ளது. இன்று வென்றாலும் அடுத்த அரையிறுதிக்கு செல்ல முடியாது.