சிலியில், வரும் டிச. 1-13ல் ஜூனியர் பெண்களுக்கான உலக கோப்பை ஹாக்கி 11வது சீசன் நடக்கவுள்ளது. இதற்கு தயாராகும் விதமாக பெல்ஜியம் சென்றுள்ள ஜூனியர் இந்திய பெண்கள் அணி, பெல்ஜியம், ஆஸ்திரேலியா, நெதர்லாந்து அணிகளுடன் 5 போட்டிகளில் விளையாடுகிறது.

பெல்ஜியத்துக்கு எதிரான முதல் போட்டியில் இந்தியா வென்றது. இரண்டாவது போட்டியில் இந்தியா, பெல்ஜியம் மீண்டும் மோதின. அபாரமாக ஆடிய இந்திய அணி 2-1 என வெற்றி பெற்றது. இந்தியா சார்பில் லால்தான்ட்லுவாங்கி (35வது நிமிடம்), கீதா யாதவ் (50வது) தலா ஒரு கோல் அடித்தனர். பெல்ஜியம் அணிக்கு வான் ஹெல்மான்ட் (48வது நிமிடம்) ஆறுதல் தந்தார்.