சென்னை, மதுரையில், வரும் நவ. 28ல் ஜூனியர் உலக கோப்பை ஹாக்கி 14வது சீசன் நடக்க உள்ளது. இதில் இந்தியா, 'நடப்பு சாம்பியன்' ஜெர்மனி, ஆஸ்திரேலியா உள்ளிட்ட 24 அணிகள், 6 பிரிவுகளாக லீக் சுற்றில் விளையாடுகின்றன. அனுபவ கோல்கீப்பர் ஸ்ரீஜேஷ் பயிற்சியின் கீழ் களமிறங்கும் இந்திய அணி, 'பி' பிரிவில் சிலி (நவ. 28), ஓமன் (நவ. 29), சுவிட்சர்லாந்து (டிச. 2) அணிகளுடன் இடம் பெற்றுள்ளது. பைனல், டிச. 10ல் நடக்கிறது.

இத்தொடருக்கான 18 பேர் கொண்ட இந்திய அணி அறிவிக்கப்பட்டது. கேப்டனாக ரோகித் நியமிக்கப்பட்டார். சமீபத்தில் மலேசியாவில் நடந்த சுல்தான் ஆப் ஜோகர் கோப்பை (21 வயது) தொடரில் அணியை சிறப்பாக வழிநடத்திய இவர், வெள்ளிப்பதக்கம் பெற்றுத்தந்தார்.

இந்திய அணி: ரோகித் (கேப்டன்), பிக்ரம்ஜித் சிங், பிரின்ஸ்தீப் சிங் (கோல்கீப்பர்), அமிர் அலி, அன்மோல் எக்கா, தலேம் பிரியோபர்தா, சுனில் பென்னுார், ஷர்தானந்த் திவாரி, அங்கித் பால், அத்ரோகித் எக்கா, லுவாங், மன்மீத் சிங், ரோசன் குர்ஜுர், குர்ஜோத் சிங், சவுரப் ஆனந்த் குஷ்வாகா, அர்ஷ்தீப் சிங், அஜீத் யாதவ், தில்ராஜ் சிங்.