இந்தியாவில், புரோ கபடி லீக் 11வது சீசன் நடக்கிறது. ஐதராபாத்தில் நடந்த லீக் போட்டியில் பெங்கால், ஹரியானா அணிகள் மோதின. முதல் பாதி முடிவு 19-19 என சமநிலையில் இருந்தது. இரண்டாவது பாதியில் பெங்கால் அணியினர், ஹரியானா வீரர்களை 'ஆல்-அவுட்' செய்தனர். பெங்கால் அணிக்கு 21, ஹரியானாவுக்கு 19 புள்ளி கிடைத்தன.

ஆட்டநேர முடிவில் பெங்கால் அணி 40-38 என்ற கணக்கில் வெற்றி பெற்றது. பெங்கால் அணிக்கு மனிந்தர் சிங் (12 புள்ளி) கைகொடுத்தார். ஹரியானா சார்பில் வினய் 10, நவீன் 6 புள்ளி பெற்றனர். பெங்கால் அணி 5 போட்டியில், 2 வெற்றி, 2 'டை', ஒரு தோல்வி என 17 புள்ளிகளுடன் 4வது இடத்துக்கு முன்னேறியது. ஹரியானா அணி (16 புள்ளி) 5வது இடத்தில் உள்ளது.