பீஹாரில், 'கேலோ இந்தியா யூத்' விளையாட்டு 7வது சீசன் நடக்கிறது. பெண்களுக்கான வாலிபால் 'பி' பிரிவு லீக் போட்டியில் தமிழகம், ஜார்க்கண்ட் அணிகள் மோதின. அபாரமாக ஆடிய தமிழக அணி 3-0 (25-13, 25-11, 25-7) என்ற கணக்கில் வெற்றி பெற்றது. 'ஏ' பிரிவு போட்டியில் மேற்கு வங்க அணி 3-0 (25-9, 25-7, 25-9) என பீஹாரை வென்றது.

ஆண்களுக்கான 'ஏ' பிரிவு லீக் போட்டியில் ஒரு கட்டத்தில் 1-2 என பின்தங்கி இருந்த ஜம்மு காஷ்மீர் அணி, பின் எழுச்சி கண்டு 3-2 (18-25, 25-20, 16-25, 27-25, 15-9) என உத்தரகாண்ட் அணியை வீழ்த்தியது. 'பி' பிரிவு போட்டியில் குஜராத் அணி 3-1 (25-12, 18-25, 25-18, 25-19) என கேரளாவை வென்றது.

கபடி: ஆண்களுக்கான கபடி லீக் போட்டியில் 'நடப்பு சாம்பியன்' ஹரியானா, கர்நாடகா அணிகள் மோதின. முதல் பாதி முடிவில் 28-14 என முன்னிலையில் இருந்த ஹரியானா, ஆட்டநேர முடிவில் 57-30 என்ற கணக்கில் வெற்றி பெற்றது.

பெண்களுக்கான லீக் போட்டியில் 'நடப்பு சாம்பியன்' ஹரியானா அணி 33-32 என பஞ்சாப் அணியை வீழ்த்தியது.

வில்வித்தை 'ரேங்கிங்' போட்டிகளில் மஹாராஷ்டிரா நட்சத்திரங்கள் ஆதிக்கம் செலுத்தினர்.