ஜெய்ப்பூர்: கேலோ இந்தியா பல்கலை., விளையாட்டு 5வது சீசன் ராஜஸ்தானின் ஜெய்ப்பூர், உதய்பூர் உள்ளிட்ட 7 நகரங்களில் நடக்கிறது. பெண்களுக்கான துப்பாக்கிசுடுதலில் 50 மீ., 3 பொசிசன்ஸ் பிரிவு போட்டி நடந்தது. 2022 ஆசிய விளையாட்டில் பதக்கம் வென்ற ஆஷி சவுக்சே, சிப்ட் கவுர் சர்மா உள்ளிட்டோர் பங்கேற்றனர். இதில் சிறப்பாக செயல்பட்ட குருநானக் பல்கலை., வீராங்கனை, 23 வயது ஆஷி, 462.3 புள்ளியுடன் முதலிடம் பிடித்து தங்கம் வென்றார். கேலோ பல்கலை., விளையாட்டில் தொடர்ந்து வென்ற 4வது தங்கம் இது.