கத்தார் தலைநகர் தோகாவில், உலக டேபிள் டென்னிஸ் சாம்பியன்ஷிப் நடக்கிறது. பெண்கள் ஒற்றையர் பிரிவு முதல் சுற்றில் இந்தியாவின் மணிகா பத்ரா, நைஜீரியாவின் பாத்திமோ பெல்லோ மோதினர். மணிகா 4-0 (11-5, 11-6, 11-8, 11-2) என வெற்றி பெற்று, 2வது சுற்றுக்கு முன்னேறினார்.

மற்றொரு போட்டியில் இந்தியாவின் தியா 4-0 (11-4, 11-7, 11-3, 14-12) என ஸ்பெயினின் சோபியா-ஜுவான் ஜாங்கை வீழ்த்தினார்.

ஆண்கள் ஒற்றையர் பிரிவு முதல் சுற்றில் இந்தியாவின் மானவ் தாக்கர், நியூசிலாந்தின் டிமோதி சோய் மோதினர். இதில் மானவ் 4-1 (11-3, 11-8, 6-11, 11-7, 14-12) என வெற்றி பெற்று 2வது சுற்றுக்குள் நுழைந்தார். மற்றொரு போட்டியில் இந்தியாவின் அங்கூர் பட்டாசார்ஜி 1-4 (11-4, 7-11, 9-11, 10-12, 8-11) என ஹாங்காங்கின் லாம் சியு ஹாங்கிடம் தோல்வியடைந்தார். இந்தியாவின் மானுஷ் ஷா 4-2 (11-6, 2-11, 11-7, 11-6, 5-11, 11-6) என போர்ச்சுகலின் தியாகோ அபோலோனியாவை வென்றார்.

ஆண்கள் இரட்டையர் பிரிவு முதல் சுற்றில் இந்தியாவின் சத்யன் ஞானசேகரன், ஹர்மீத் தேசாய் ஜோடி 1-3 (9-11, 12-10, 14-16, 10-12) என ஆஸ்திரியாவின் மசீஜ், மால்டோவாவின் விளாடிஸ்லாவ் உர்சு ஜோடியிடம் வீழ்ந்தது.

கலப்பு இரட்டையர் முதல் சுற்றில் இந்தியாவின் மானுஷ் ஷா, தியா ஜோடி 3-0 (11-2, 11-7, 11-6) என அல்ஜீரியாவின் மெஹ்தி, மலிசா நாஸ்ரி ஜோடியை வீழ்த்தியது. மற்றொரு போட்டியில் இந்தியாவின் ஹர்மீத் தேசாய், யாஷஸ்வினி ஜோடி 2-3 என பிரான்ஸ் ஜோடியிடம் தோல்வியடைந்தது.