ஆமதாபாத்தில் (குஜராத்) அல்டிமேட் டேபிள் டென்னிஸ் 6வது சீசன் நடக்கிறது. லீக் போட்டியில் புனே, மும்பை அணிகள் மோதின. ஆண்கள் ஒற்றையர் முதல் போட்டியில் மும்பையின் லிலியன் பார்டெட், அல்வாரோ ரோபிள்ஸ் மோதினர். இதில் பார்டெட் 2-1 என வெற்றி பெற்றார்.

பெண்கள் ஒற்றையர் முதல் போட்டியில் பெர்னாடெட் சோக்ஸ் (மும்பை) 2-1 என டினா மெஷ்ரெப்பை (புனே) வென்றார். கலப்பு இரட்டையர் பிரிவு போட்டியில் பெர்னாடெட் சோக்ஸ், ஆகாஷ் பால் (மும்பை) ஜோடி 1-2 என டினா மெஷ்ரெப், அனிர்பன் கோஷ் (புனே) ஜோடியிடம் தோல்வியடைந்தது.

ஆண்கள் ஒற்றையர் 2வது போட்டியில் அனிர்பன் கோஷ் (புனே), ஆகாஷ் பால் (மும்பை) மோதினர். இதில் அனிர்பன் 2-1 என வெற்றி பெற்றார். பெண்கள் ஒற்றையர் 2வது போட்டியில் புனேயின் ரீத் ரிஷ்யா 3-0 என மும்பையின் ஸ்வஸ்திகா கோஷை வீழ்த்தினார். முடிவில் புனே அணி 9-6 என்ற கணக்கில் வெற்றி பெற்றது.