கனடா தலைநகர் மான்ட்ரியலில் (1976, ஜூலை 17 -- ஆக. 1) 21வது ஒலிம்பிக் நடந்தது. இப்போட்டிக்கு முன் இனவெறி சர்ச்சையில் சிக்கிய தென் ஆப்ரிக்காவுக்கு, நியூசிலாந்து ரக்பி அணி சென்றது. இதையடுத்து ஒலிம்பிக்கில் பங்கேற்க நியூசிலாந்துக்கு தடை விதிக்க வேண்டுமென கோரிக்கை விடுக்கப்பட்டது. இது ஏற்கப்படாததால், 26 ஆப்ரிக்க நாடுகள் மான்ட்ரியல் ஒலிம்பிக்கை புறக்கணித்தன. தவிர, ஊக்க மருந்து பிரச்னையும் பெரிய அளவில் வெடித்தது. கிழக்கு ஜெர்மனியை சேர்ந்த நீச்சல் வீராங்கனைகள் 'ஸ்டீராய்ட்' பயன்படுத்தியதாக குற்றம் சாட்டப்பட்டது. ரஷ்யா, 49 தங்கம் உட்பட 125 பதக்கங்களுடன் முதலிடத்தை பெற்றது. போட்டியை நடத்திய கனடா (5 வெள்ளி, 6 வெண்கலம்) ஒரு தங்கம் கூட பெறவில்லை. ஹாக்கியில் ஏமாற்றிய இந்தியா, லீக் சுற்றோடு வெளியேறி 7வது இடம் பிடித்தது.