மகாராஷ்டிராவின் புனேயில் சீனியர் பெண்களுக்கான தேசிய ஹாக்கி சாம்பியன்ஷிப் 14வது சீசன் நடக்கிறது. இதன் காலிறுதியில் 'நடப்பு சாம்பியன்' மத்திய பிரதேசம் (ம.பி.,), பெங்கால் அணிகள் மோதின. ஆட்டநேர முடிவில் போட்டி 1-1 என சமநிலையில் இருந்தது. பின் 'பெனால்டி ஷூட் அவுட்' முறையில் அசத்திய ம.பி., அணி 4-3 என வெற்றி பெற்று அரையிறுதிக்குள் நுழைந்தது.

மற்றொரு காலிறுதியில் ஜார்க்கண்ட் அணி 2-1 என மிசோரமை வென்றது. ஹரியானா அணி 4-1 என ஒடிசா அணியை வீழ்த்தி அரையிறுதிக்கு முன்னேறியது. மற்றொரு காலிறுதியில் மகாராஷ்டிரா அணி 2-1 என மணிப்பூரை வென்றது.

அரையிறுதியில் ஹரியானா - ஜார்க்கண்ட், மத்திய பிரதேசம் - மகாராஷ்டிரா அணிகள் மோதுகின்றன.