மகாராஷ்டிராவின் புனேயில் சீனியர் பெண்களுக்கான தேசிய ஹாக்கி சாம்பியன்ஷிப் 14வது சீசன் நடக்கிறது. 'நடப்பு சாம்பியன்' மத்திய பிரதேசம், தமிழகம், கேரளா, பெங்கால் உள்ளிட்ட 27 அணிகள் 8 பிரிவுகளாக லீக் சுற்றில் பங்கேற்கின்றன.

'எப்' பிரிவு லீக் போட்டியில் மிசோரம், பஞ்சாப் அணிகள் மோதின. அபாரமாக ஆடிய மிசோரம் அணி 4-2 என்ற கணக்கில் வெற்றி பெற்றது. முதலிரண்டு போட்டியில் ஹிமாச்சல பிரதேசம், ராஜஸ்தானை வீழ்த்திய மிசோரம், 'ஹாட்ரிக்' வெற்றியுடன் 'எப்' பிரிவில் முதலிடம் பிடித்து காலிறுதிக்குள் நுழைந்தது.

'டி' பிரிவு லீக் போட்டியில் அசாம் அணி 2-1 என புதுச்சேரியை வென்றது. கோவா, சண்டிகர் அணிகள் மோதிய 'இ' பிரிவு லீக் போட்டி 2-2 என 'டிரா' ஆனது.

காலிறுதியில் மத்திய பிரதேசம்-பெங்கால், ஜார்க்கண்ட்-மிசோரம், ஹரியானா-ஒடிசா அணிகள் விளையாடுகின்றன.