இத்தாலி தலைநகர் ரோமில், மாற்றுத்திறனாளிகளுக்கான ஐரோப்பிய பாரா வில்வித்தை கோப்பை தொடர் நடந்தது. ஆண்களுக்கான தனிநபர் காம்பவுண்டு பிரிவு பைனலில் இந்தியாவின் ராகேஷ் குமார், பிரிட்டனின் நாதன் மெக்குயின் மோதினர். அபாரமாக ஆடிய ராகேஷ் 145-142 என்ற கணக்கில் வெற்றி பெற்று தங்கப்பதக்கத்தை தட்டிச் சென்றார். இது, இத்தொடரில் இவரது 2வது தங்கம். ஏற்கனவே, காம்பவுண்டு அணிகள் பிரிவிலும் தங்கம் வென்றிருந்தார்.

ஆண்களுக்கான தனிநபர் 'ரீகர்வ்' பிரிவு பைனலில் இந்தியாவின் தன்னா ராம் கோதாரா, பிரிட்டனின் கேமிரான் ரேடிகன் மோதினர். இதில் அசத்திய தன்னா ராம் 7-3 என்ற கணக்கில் வெற்றி பெற்று தங்கம் வென்றார்.

இத்தொடரில் இந்தியாவுக்கு 3 தங்கம், 2 வெள்ளி, 3 வெண்கலம் என, 8 பதக்கம் கிடைத்தது.