நான்கு ஆண்டுகளுக்கு பின் பீஜிங் ஒலிம்பிக்கில் (2008) அசத்திய பெல்ப்ஸ், 8 பிரிவுகளிலும் தங்கம் வென்றார். அதன்பின் 2012ல் நடந்த லண்டன் ஒலிம்பிக்கிலும் சிறப்பாக செயல்பட்ட இவர் 4 தங்கம், 2 வெள்ளி என 6 பதக்கங்களை அள்ளினார். இதன்மூலம் ஒட்டுமொத்த ஒலிம்பிக் வரலாற்றில் அதிக பதக்கம் (22) வென்றவர்கள் பட்டியலில் சோவியத் யூனியனின் ஜிம்னாஸ்டிக்ஸ் வீராங்கனை லாரிசா லட்னினாவை (18 பதக்கம்) முந்தி முதலிடம் பிடித்து புதிய சாதனை படைத்தார்.

பிரேசிலில் நடந்த ரியோ ஒலிம்பிக்கில் (2016) தனது ஆதிக்கத்தை தொடர்ந்த பெல்ப்ஸ், 5 தங்கம், ஒரு வெள்ளி என 6 பதக்கம் வென்றார். கடந்த 2016ல் ஓய்வை அறிவித்த இவர், ஒலிம்பிக் அரங்கில் அதிக பதக்கம் வென்றவர்கள் வரிசையில் முதலிடத்தில் நீடிக்கிறார். நான்கு ஒலிம்பிக்கில் (2004--16) 23 தங்கம், 3 வெள்ளி, 2 வெண்கலம் என 28 பதக்கங்கள் வென்றுள்ளார்.