செக்குடியரசில், பிராகு மாஸ்டர்ஸ் செஸ் தொடர் நடக்கிறது. இந்தியாவின் பிரக்ஞானந்தா, அரவிந்த் சிதம்பரம், நெதர்லாந்தின் அனிஷ் கிரி உள்ளிட்ட 10 பேர் பங்கேற்கின்றனர். இதன் 5வது சுற்றில் தமிழகத்தின் பிரக்ஞானந்தா (வெள்ளை), அரவிந்த் சிதம்பரம் (கறுப்பு) மோதினர். விறுவிறுப்பான இப்போட்டி 59வது நகர்த்தலில் 'டிரா' ஆனது.

மற்றொரு போட்டியில் சீனாவின் யி வெய், அமெரிக்காவின் சாமுவேல் ஷாங்க்லேண்ட்டை தோற்கடித்தார். நெதர்லாந்தின் அனிஷ் கிரி, துருக்கியின் எடிஸ் குரேல், செக்குடியரசின் டேவிட் நவாரா, ஜெர்மனியின் வின்சென்ட் கீமர், தங்களது போட்டியை 'டிரா' செய்தனர்.

ஐந்து சுற்றுகளின் முடிவில் பிரக்ஞானந்தா, அரவிந்த், தலா 3.5 புள்ளிகளுடன் முதலிடத்தை பகிர்ந்து கொண்டுள்ளனர். சீனாவின் யி வெய், அனிஷ் கிரி (நெதர்லாந்து), கீமர் (ஜெர்மனி), குவாங் லீம் லே (வியட்நாம்) தலா 2.5 புள்ளிகளுடன் 3வது இடத்தை பகிர்ந்து கொண்டுள்ளனர்.