இந்தியாவில் புரோ கபடி லீக் தொடரின் 11வது சீசன் நடக்கிறது. நேற்று, உ.பி.,யின் நொய்டாவில் நடந்த லீக் போட்டியில் புனே, உ.பி., அணிகள் பலப்பரீட்சை நடத்தின. துவக்கத்தில் இரு அணியும் 9-9 என சம புள்ளியில் இருந்தன. பின், முதல் பாதியில் உ.பி., அணி 16-14 என முன்னிலை பெற்றது.

இரண்டாவது பாதியில் புனே வீரர்கள் எழுச்சி பெற்றனர். அடுத்தடுத்து புள்ளி எடுக்க ஸ்கோர் மீண்டும் சமன் (20-20) ஆனது. இதன் பின் புனே அணி 27-23 என முன்னிலை பெறத் துவங்கியது. கடைசி நிமிடத்தில் எழுச்சி பெற்று போராடிய உ.பி., அணி, போட்டியை 29-29 என 'டை' செய்தது.