அடுத்து நடந்த 8 பேர் பங்கேற்ற தனிநபர் பைனலில் சிப்ட் கவுர் சம்ரா, 459.2 புள்ளி எடுத்து முதலிடம் பெற்று, தங்கம் கைப்பற்றினார். கடந்த 2024ல் இவர் வெள்ளி வென்றிருந்தார். ஆஷி (402.8) 7வது இடம் பெற்றார்.

50 மீ., ரைபிள் 3 பொசிசன்ஸ் ஜூனியர் அணிகள் பிரிவில் இந்தியாவின் பிராச்சி (588), மஹித் (587), அனுஷ்கா (583) கூட்டணி தங்கம் (1758 புள்ளி) வென்றது. தனிநபர் பிரிவில் இந்தியாவின் அனுஷ்கா, 460.7 புள்ளியுடன் தங்கப்பதக்கம் வென்றார்.

ஆண்களுக்கான 'டிராப்' ஜூனியர் பைனலில் இந்திய வீரர் ஆர்யா வன்ஷ், கஜகஸ்தானின் நிகிடா, சம புள்ளி (40) பெற்று முதலிடம் பெற்றனர். அடுத்து நடந்த 'ஷூட் ஆப்பில்' சறுக்கிய ஆர்யாவுக்கு, வெள்ளிப்பதக்கம் கிடைத்தது.

'டிராப்' ஜூனியர் பெண்களுக்கான பைனலில் இந்தியாவின் சபீரா, 39 புள்ளி எடுத்து தங்கம் கைப்பற்றினார். மற்றொரு இந்திய வீராங்கனை ஆத்யா (38) வெள்ளி வென்றார். 25 மீ., ரேபிட் பயர் பிஸ்டல் ஜூனியர் பிரிவில் இந்திய வீரர் சமீர் (21) வெண்கலம் வசப்படுத்தினார்.