எகிப்தில் எல் கவுனா சர்வதேச ஸ்குவாஷ் தொடர் நடக்கிறது. ஆண்களுக்கான முதல் சுற்றில் உலகின் 'நம்பர்-40' இந்தியாவின் ரமித் டான்டன் 3-0 (11-6, 11-9, 11-5) என 62வது இடத்தில் உள்ள எகிப்தின் அலி ஹுசைனை வீழ்த்தினார். இரண்டாவது சுற்றில் ரமித் டான்டன், உலகின் 'நம்பர்-11' பிரான்ஸ் வீரர் விக்டர் குரூயினை எதிர்கொண்டார்.

முதலிரண்டு செட்களை 11-9, 12-10 எனக் கைப்பற்றிய ரமித், மூன்றாவது செட்டை 8-11 என இழந்தார். நான்காவது செட்டில் எழுச்சி கண்ட இவர் 11-5 என வென்றார். மொத்தம் 52 நிமிடம் நீடித்த போட்டியில் அபாரமாக ஆடிய அமித் டான்டன் 3-1 (11-9, 12-10, 8-11, 11-5) என்ற கணக்கில் வெற்றி பெற்று மூன்றாவது சுற்றுக்குள் நுழைந்தார். இதில் உலகின் 'நம்பர்-3' பெருவின் டியாகோ எலியாசை சந்திக்கிறார்.