இந்திய ஸ்குவாஷ் வீராங்கனை அனாஹத் சிங் 17. அமெரிக்காவின் வாஷிங்டனில் நடந்த 'பயர் ஓபன்' ஸ்குவாஷ் தொடர் பைனலில், இங்கிலாந்தின் ஜார்ஜினாவை சாய்த்து, கோப்பை வென்றார். சர்வதேச சீனியர் அரங்கில் இது, இவர் வென்ற 15வது பட்டம் ஆனது. இதையடுத்து வெளியான தரவரிசை பட்டியலில் 12 இடம் முன்னேறிய அனாஹத், முதன் முறையாக டாப்-20' பட்டியலுக்குள் நுழைந்தார்.

கடைசி 13 தொடரில் 387 புள்ளி பெற்ற அனாஹத், தற்போது 19வது இடத்தில் உள்ளார். பெண்கள் ஒற்றையரில் சிறந்த 'ரேங்க்' கொண்ட இந்திய வீராங்கனையாக உள்ளார். அடுத்த இடத்தில் 'சீனியர்' ஜோஷ்னா சின்னப்பா (74வது) உள்ளார்.

ஆண்கள் ஒற்றையரில் இந்தியாவின் அபே சிங், 17 தொடரில் 292 புள்ளி பெற்று, 29வது இடத்தில் உள்ளார்.